“Rrugorja” 325 gjoba për një javë në Tiranë, ndëshkohen shoferët problematikë

Policia Rrugore e Tiranës ka vendosur 325 masa administrative gjatë javës së fundi.

Gjithashtu 31 shoferë, shkelës të rregullave të qarkullimit rrugor, të cilët rrezikuan sigurinë në rrugë dhe/ose penguan lëvizjen janë vënë nën hetim.

Konkretisht:

-për mosrespektim të radhës në trafik, u vendosën 120 masa;

-për pengim/bllokim të lëvizjes si pasojë e ndalimeve/pushimeve të gabuara të automjeteve, janë ngritur me karrotrec 98 automjete;

-për qarkullim me shpejtësi mbi normat e lejuara, u vendosën 64 masa;

-për drejtim të automjetit nën ndikimin e alkoolit, u vendosën 43 masa.

Policia Rrugore apelon sërish të gjithë drejtuesit e mjeteve dhe përdoruesit e tjerë të rrugës që të respektojnë rregullat e qarkullimit rrugor, duke kontribuar drejtpërdrejt në parandalimin e aksidenteve dhe në mbrojtjen e jetës dhe shëndetit.

Gjithashtu, fton qytetarët të njoftojnë menjëherë Policinë për çdo shkelje të rregullave që konstatojnë, duke garantuar reagim të shpejtë dhe konform parashikimeve ligjore.