Rubio do të takohet Papa Leonin në Vatikan për të lehtësuar tensionet pas replikave të Trump

Sekretari amerikan i shtetit, Marco Rubio, mbërriti këtë mëngjes në Romë për një vizitë dyditore në Itali dhe Vatikan. Rubio pritet të takohet me Papa Leonin në Pallatin Apostolik, në një përpjekje për të ulur tensionet e krijuara pas kritikave të përsëritura të presidentit Donald Trump ndaj papës së parë nga Amerika e Veriut.

Marrëdhëniet mes Selisë së Shenjtë dhe Uashingtonit janë në një pikë të paprecedentë tensioni.

Trump akuzoi papën për mbështetje të armëve bërthamore dhe për “rrezikimin e shumë katolikëve” me qëndrimin e tij kundër luftës në Iran. Papa Leo reagoi duke theksuar se Kisha ka folur prej vitesh kundër armëve bërthamore dhe se mesazhi i tij është i lidhur me vlerën e fjalës së Zotit.

Rubio, nga ana e tij, minimizoi përplasjen duke thënë se kritikat e presidentit lidhen me shqetësimin për mundësinë që Irani të zhvillojë një armë bërthamore, e cila sipas tij do të përbënte rrezik për miliona katolikë në mbarë botën.

Gjatë qëndrimit në Itali, Rubio do të zhvillojë takime edhe me qeverinë italiane. Të premten, ai pritet të takohet me kryeministren Giorgia Meloni, në një kohë kur edhe raportet mes Romës dhe Uashingtonit janë përkeqësuar.  

/rtsh.al/