Rumani, pilotet heronj evitojne tragjedine

Eshte koha e rrezimeve dhe shpetimeve. Nje avion i vogel i kompanise ajrore rumune “Carpatair” ka bere nje ulje dramatike ne aeroportin e Timishoares, por asnje nga 51 personat ne bord nuk pesoi qofte edhe nje gervishtje.

Avioni kishte probleme me hapjen e rrotave dhe pilotet u detyruan ta ulin me bark. Gjate kontaktit me token, perplasja qe e pashmangshme. por fale dy piloteve moldave me shume eksperience, impakti nuk qe i forte. Perpos kesaj, qe te harxhonin karburantin per te shmangur keshtu shperthimin e nje zjarri ne bord pas uljes qe do te ishte problematike, ata vazhduan fluturimin mbi aeroport per rreth dy ore.

Shumica e parasgjereve ne bord ishin rumune dhe moldave, por mes tyre kishte edhe 9 italiane, dy greke dhe dy gjermane. Menjehere pas ngjarjes, “Carpatair” doli me nje deklarate ku shpetimi i jeteve i atribuohej dy piloteve.

Ata vete thane se nuk ndiheshin aspak heronj. “Thjesht beme punen tone. Ishim te qete, nuk patem frike, jemi stervitur per te tilla situata”, pohuan pilotet.