Rusia shpall “non grata” konsullin japonez, e akuzon për spiunazh

Agjencia ruse e sigurisë FSB ndaloi konsullin japonez të dyshuar për spiunazh. Pas ndalimit, konsulli Motoki Tatsunori u urdhërua të largohej nga vendi.

Zëdhënësi i lartë i qeverisë japoneze Hirokazu Matsuno tha se konsulli ishte lidhur nga sytë dhe ishte trajtuar në “mënyrë frikësuese” që ishte “një shkelje e qartë e Konventës së Vjenës për Marrëdhëniet Diplomatike”. “Tokio ka paraqitur një “protestë të fortë” për ndalimin dhe ka sinjalizuar se mund të hakmerret”, tha Matsuno.

FSB tha se konsulli u shpall persona “non grata” pasi u kap duke marrë informacione sekrete mbi efektet e sanksioneve perëndimore në situatën ekonomike në lindjen e largët të Rusisë. Ai tha se informacioni i klasifikuar, i cili gjithashtu kishte të bënte me bashkëpunimin e Rusisë me një vend të paidentifikuar të Azisë-Paqësorit, ishte marrë në këmbim të një “shpërblim monetar”.

/rtsh.al/