SEUL – Koreja e Veriut lëshon të tjera raketa balistike
SEUL, 10 mars /ATSH-AA/ – Shefi i Shtabit të Përgjithshëm të Koresë së Jugut pretendon se Koreja e Veriut ka lëshuar disa raketa balistike në drejtim të Detit të Verdhë.
Sipas lajmit të agjencisë Yonhap, Shtabi i Përgjithshëm i Koresë së Jugut në një deklaratë pretendon se Koreja e Veriut ka lëshuar disa raketa balistike nga rajoni Hwanghae drejt Detit të Verdhë rreth orës 13:50, me orën lokale.
”Ushtria e Koresë së Jugut po ndjek zhvillimet në koordinim me SHBA-në dhe se do të jetë në gatishmëri”, thuhet më tej.
SHBA-ja dhe Koreja e Jugut nisën sot manovrat “Mburoja e Lirisë 2025″ (”Freedom Shield 2025”) për të forcuar kapacitetet e tyre të përbashkëta mbrojtëse kundër kërcënimeve rajonale nga Koreja e Veriut.
Në një deklaratë nga Ministria e Jashtme e Koresë së Veriut, manovrat e përbashkëta ushtarake u dënuan dhe u cilësuan si ”një akt i rrezikshëm provokues”./ /os/