SHBA – DASH vendos sanksione kundër një entiteti dhe një individi, pjesë e rrjetit të Dodik

UASHINGTON, 6 nëntor /ATSH/ – Shtetet e Bashkuara po vendosin sanksione sot ndaj një entiteti dhe një individi që janë pjesë e rrjetit të patronazhit të presidentit të Republika Srpska (RS) Milorad Dodik, njoftoi sot Departamenti amerikan i Shtetit, sipas https://www.state.gov/.

Departamenti i Thesarit përcakton se ”Elpring d.o.o Laktasi” dhe Vladimir Perishiç, respektivisht, lidhen në përpjekjet e tyre për t’iu shmangur sanksioneve të SHBA.

Qeveria e SHBA-së shpalli non grata më parë presidentin Dodik për përdorimin e pozicionit të tij zyrtar për të grumbulluar pasuri personale përmes kompanive të lidhura me të dhe djalin e tij, Igor Dodik.

Ky korrupsion ka minuar besimin e publikut në institucionet shtetërore të Bosnjë dhe Herzegovinës (BiH) dhe shtetin e së drejtës.

Rrjeti i Dodik ka ndjekur një strategji agresive për të anashkaluar sanksionet e SHBA-së, domethënë duke ristrukturuar dhe rivendosur entitetet e korporatave për të errësuar kontrollin dhe transferimin e aseteve të kompanisë nga entitetet e përcaktuara.

Veprimi i sotëm ekspozon më tej përpjekjet flagrante të Igor Dodik për t’iu shmangur sanksioneve të SHBA.

Shtetet e Bashkuara do të përdorin të gjitha mjetet në dispozicionin tonë kundër atyre që ofrojnë burime kryesore të të ardhurave për rrjetin e patronazhit të presidentit Dodik dhe mundësojnë përpjekjet e tij për të ndjekur aktivitetet destabilizuese në Bosnjë dhe Hercegovinë, përfundon deklarata e DASH./ a.jor.