SHBA – Roja Bregdetare amerikane intercepton anijen luftarake ruse pranë brigjeve të Oahu-së

UASHINGTON, 14 nëntor /ATSH/- Roja Bregdetare e Shteteve të Bashkuara të Amerikës zbuloi një anije ushtarake ruse më 29 tetor afërsisht 15 milje (24 kilometra) në jug të Oahu, pranë ujërave territoriale të SHBA-së, sipas “Reuters”.

“Një avion dhe një anije e Rojës Bregdetare iu përgjigjën anijes “Kareliya” të Inteligjencës së Përgjithshme Ndihmëse të Marinës së Federatës Ruse”, tha Roja Bregdetare.

“Duke vepruar në përputhje me ligjin ndërkombëtar, personeli i Rojës Bregdetare po monitoron aktivitetet e anijes ruse pranë ujërave territoriale të SHBA-së – për të ofruar siguri detare për anijet amerikane – që operojnë në zonë dhe për të mbështetur përpjekjet e mbrojtjes së atdheut të SHBA-së”, tha Roja Bregdetare.

Roja Bregdetare tha se sipas ligjit ndërkombëtar, anijet ushtarake të huaja mund të kalojnë tranzit dhe të operojnë jashtë deteve territoriale të kombeve të tjera, të cilat shtrihen deri në 12 milje detare nga bregu. //a.i/