SHBA, Komiteti i Finances: Ok, reformes ne shendetesi

Komiteti i Finances ne Senatin amerikan kaloi me 14 vota pro dhe 9 kunder projektligjin e zgjerimit te skemes se sigurimeve shoqerore per miliona amerikane, cka i jep presidentit Barak Obama shpresa te reja drejt permbushjes se objektivit te tij ambicioz te kujdesit shendetesor universal.

Ndonese debati mund te vazhdoje ne kongres per muaj te tere, drita jeshile e Komitetit te Finances ne Senat konsiderohet e nje rendesie kyce.

Projektligji ne fjale ofron kornizen baze te nje legjislacioni te mundshem dhe ky sipas mediave amerikane, eshte detaji me i qarte deri tani i reformes se shumediskutuar.

Obama ia ka dale mbane t’i afrohet kujdesit shendetesor universal me shume se te gjithe paraardhesit e tij, duke nisur nga Teodor Rusvelt, njeriu qe e prezantoi si ide ne 1912-ten.

Drejtuesi i komitetit, senatori Maks Baucus deklaroi se ky ishte shansi qe u jepej ligjevenesve amerikane per te shkruar historine.

Por shume republikane ngurrojne ta pranojne reformen ne shendetesi per shkak te kostos se larte te saj qe llogaritet ne gati 830 miliarde dollare.