SHBA, Obama e Brown: Do forcojme raportet

Presidenti amerikan Barack Obama ka deklaruar pas takimit me kryeministrin britanik Gordon Brown, se “marredheniet speciale” US-UK do te behen edhe me te forta.

“Kjo nuk eshte e rendesishme vetem per mua, por edhe per te gjithe popullin amerikan”, ka deklaruar Obama gjate konferences per shtyp ne Shtepine e Bardhe.

“Britania e Madhe eshte nje nga aleatet tane me te ngushte dhe me te fuqishem dhe mes dy vendeve ka nje lidhje qe nuk mund te thyhet”, ka shtuar Obama.

Ndersa Brown, i pari lider i huaj qe takon presidentin e ri te SHBA dhe i pesti kryeminister britanik qe do te mbaje nje fjalim para Kongresit, e ka vene theksin tek ekonomia duke qene se ne Londer do te zhvillohet edhe samiti i G20.

“Kam ardhur ketu per te rigjeneruar marredheniet tona te vecanta. Eshte nje partneritet i ngritur per t’i bere balle cdo sfide dhe ne duhet te punojme se bashku per te zgjidhur problemin ekonomik qe ka perfshire boten”, ka deklaruar Brown.