SHBA e shpall grupin “Palestine Action” si organizatë terroriste

Shtetet e Bashkuara të Amerikës kanë vendosur sanksione ndaj grupit Palestine Action, duke e shpallur atë si Terrorist Global të Emëruar Specialisht (Specially Designated Global Terrorist), sipas një njoftimi të publikuar në faqen e internetit të Departamentit të Thesarit.

Britania e Madhe e kishte ndaluar më parë Palestine Action si organizatë terroriste.

“Palestine Action” kishte synuar gjithnjë e më shumë kompani mbrojtjeje të lidhura me Izraelin në Britani, me fokus të veçantë tek firma më e madhe e mbrojtjes së Izraelit, Elbit Systems.

Gjykata e Lartë e Britanisë së Madhe ka njoftuar se do të shqyrtojë një ankim kundër vendimit të një gjykate të shkallës së ulët, i cili vlerësoi si të ligjshëm vendimin e Britanisë për të ndaluar grupin e fushatës “Palestine Action” si organizatë terroriste.

/rtsh.al/