SPAK çon në gjyq Asllan Dogjanin, deputeti i PD akuzohet për “mosdeklarim të pasurisë”
Prokuroria e Posaçme ka dërguar për gjykim deputetin e Partisë Demokratike, Asllan Dogjani i cili akuzohet për “mosdeklarim pasurie”.
Në 4 nëntor për gati 2 orë Dogjani dha shpjegime në SPAK për shtëpinë 100 metra katror që ka blerë në vitin 2006.
Sipas Dogjanit kallëzimi është bërë nga nje ndërtues të cilin ai e quan ‘zaptues’ pasi më parë e ka paditur për grabitjen e hapësirës publike para pallatit ku banon.
Tashmë pritet të zhvilllohet seance paraprake me gjyqtaren Rudina Palloj.
/vizionplus.tv