Saranda këtë fillim shtatori, pikë qendrore për ata që kërkojnë qetësi dhe ata që duan aventurë

E diela e parë e shtatorit i ka gjetur sërish plazhet e Sarandës të populluara. Temperaturat e larta këtë fillim vjeshte kanë bërë që shumë vizitorë vendas dhe të huaj t‘i drejtohen bregdetit jonian që ju ofron plazhe të bukura, ujë të kristaltë dhe një klimë të ngrohtë.

Me atraksionet e saj të shumta, jetën e gjallë mbrëmjeve dhe gastronominë e larmishme, Saranda është bërë një pikë qendrore për ata që kërkojnë relaks dhe aventurë në të njëjtën kohë.

Vizitorët e fundit të sezonit gjejnë në Sarandë mundësinë për të shijuar verën deri në fund, duke përfituar nga oferta të veçanta dhe ambienti mikpritës që qyteti ofron.

Gazetare: E.Domeri  

/rtsh.al/