Sejko takon ambasadorin e BE: Progresi ekonomik i Shqipërisë i shërben integrimit

Banka e Shqipërisë dhe Bashkimi Evropian do të vazhdojnë bashkëpunimin për të përmbushur detyrimet e vendit tonë që të bëhet anëtar i BE-së.

Gjatë një takimi me guvernatorin Gent Sejko, ambasadori Silvio Gonzato vlerësoi progresin ekonomik të Shqipërisë dhe punën e bërë për të përballuar me sukses sfidat.

Sipas tij, vetëm përmes garantimit të stabilitetit financiar mund të rriten më tej investimet e huaja në Shqipëri.

Guvernatori Sejko nga ana tjetër falënderoi ambasadorin për asistencën teknike që Unioni ka dhënë për vendin tonë, për të adresuar sfidat që lindin gjatë rrugëtimit europian.