Sekreti i logos së Applet në iPhone – videoja që u bë virale

Përditësimi i ri i sistemit operativ të Apple-it, iOS14, solli shumë risi tek iPhone, mes tyre ka edhe një opsion  “sekret” që pas disa muajsh ka nisur të bëhet viral. Logoja shkëlqyese e kompanisë në pjesën e pasme të iPhone-it del se bën shumë më shumë se vetëm duket bukur.

Përmes veçorive në “Accessibility” te “Settings” në telefonat e rinj që kanë edhe sistemin e ri operativ, u mundësohet përdoruesve të kryejnë disa funksione përmes shtypjes dy apo tri herë të logos prapa në telefon.

Me këtë veçanti, një video e postuar në Instagram është bërë virale. Ajo shpjegon se si çdo iPhone më i ri se gjenerata 8 mund të kryejë funksionet përmes qasjes në “Back Tap” tek “Accessibility”. Ndër shumë veçoritë që mund të kryhen aty është ‘screenshoti’, ndezja e llampës, hapja e Sirit dhe shumëçka tjetër.