Sequi Vullnet politik per te arritur integrimin

Ambasadori i Bashkimit Evropian në Tiranë, Ettore Sequi ka inkurajuar klasën politike që të vazhdojë reformat për plotësimin e 12 rekomandimeve të cilat do t'i hapin rrugën shqipërisë për të marrë statusin e vendit kandidat për në Bashkimin Evropian.

I pyetur nga mediat mbi akuzat e ditëve të fundit midis mazhorancës dhe opozitës në lidhje me rrezikun e mundshëm të humbjes për here te trete te shansit të shqipërisë për të marrë statusin e vendit kandidat ne BE, ambasadori Sequi ka deklaruar se deri në tetor politika duhet të tregojë vullnet për të realizuar kërkesat e Brukselit.

Sipas ambasadorit të Bashkimit Evropian në Tiranë, një hap pozitiv i arritur deri tani në plotësimin e rekomandimeve të BE-së është miratimi i Kodit Penal.

Ai ka bërë apel që ky hap të shoqërohet dhe me të tjera reforma të cilat do të ndihmojnë vendin të integrohet sa më parë pranë familjes evropiane.