Serbia i kerkon falje Italise per ngjarjen e shkaktuar nga tifozet

Serbia zyrtarisht i ka kerkuar falje Italise per dhunen e shkaktuar nga tifozet serbe ne ndeshjen Itali-Serbi ne kuader te ndeshjeve kualifikuese per Euro 2012 deklaroi shefi i diplomacise italiane Franko Fratini.

Fratini tha se homologu i tij serb Jeremic e ka garantuar gjate nje bisede telefonike se autoritetet ne Beograd do te shtojne kerkimet per pergjegjesit e dhunes dhe do te arrestojne kriminelet qe duhet te marrin denimin e merituar.

Ministri i Brendshem i Serbise Ivica Daciq ka kritikuar policine italiane per menyren e nderhyrjes.

Nderhyrja e policise italiane mund te kishte qene shume me e mire. Ata nuk duhet ti kishin lejuar tifozet te futeshin ne stadium me sende te forta dhe materialet e tjera qe sulmuan. Sipas Daciqit kjo nuk do te kishte ndodhur ne Beograd.

Por nje tjeter perfaqesues i qeverise serbe sekretari i Shtetit per ceshtjet e drejtesise Sllobodan Homen ka lidhur dhunen ne Gjenova te Italise me trazirat dhe dhunen ndaj homoseksualeve dhe marshuesve te tyre te dielen e kaluar ne Beograd.

Mediat serbe e kane komentuar si turp dhe cnderim ate qe ndodhi ne stadium te marten ne mbremje.