Serë me kanabis në Krujë, policia asgjëson 520 fidanë

Një serë me më shumë se 500 fidanë kanabisi, gati për t’u mbjellë, u zbulua nga policia në Krujë.

Operacioni i quajtur “Territor i Pastër”, e lokalizoi serën e improvizuar mes pyjeve në fshatin Brret të Krujës.

Fidanët e bimës narkotike u asgjësuan me anë të djegies. Ndërkohë, policia vijon hetimet për identifikimin dhe kapjen e personave që ndërtuan serën dhe kultivuan fidanët.