Seuli: Koreja e Veriut hakoi prodhuesit e pajisjeve të çipave të Koresë së Jugut

Koreja e Jugut ka hedhur të tjera akuza në drejtim të Koresë së Veriut, në një kohë ku kjo e fundit është zotuar për “hakmarrje”, pas stërvitjeve të përbashkëta mes Seulit dhe Uashingtonit.

Sipas agjencisë së spiunazhit të Koresë së Jugut, hakerët e Koresë së Veriut kanë depërtuar në prodhuesit e pajisjeve të çipave të Koresë së Jugut.

“Pheniani po përpiqet të krijojë gjysmëpërçues për programet e tij të armëve”, tha Shërbimi Informativ Kombëtar (NIS).

Kjo vjen një muaj pasi presidenti, Yoon Suk Yeol, paralajmëroi se Koreja e Veriut mund të organizojë provokime të tilla si sulme kibernetike për të ndërhyrë në zgjedhjet e ardhshme.

Vitin e kaluar, Koreja e Veriut hakoi emailet e një ndihmësi të Presidentit.

“Ne besojmë se Koreja e Veriut ndoshta po përgatitet të prodhojë gjysmëpërçuesit e saj përballë vështirësive në blerjen e tyre për shkak të sanksioneve”, tha NIS në një deklaratë.

Ai shtoi se përpjekjet e Phenianit mund të nxiten nga nevoja për të pasur çipa për programet e tij të armëve, duke përfshirë satelitët dhe raketat.

Shërbimi Informativ Kombëtar beson se Koreja e Veriut depërtoi në serverët e dy kompanive të pajisjeve të çipit në dhjetor dhe shkurt, duke vjedhur modele të produkteve dhe fotografi të objekteve të tyre.

Shërbimi Informativ Kombëtar gjithashtu paralajmëroi kompanitë e tjera në industrinë e prodhimit të çipave që të marrin masa paraprake kundër sulmeve kibernetike.

Megjithatë, agjencia e spiunazhit nuk i përmendi firmat e kryera dhe ose sugjeroi se

Po ashtu, autoritetet thanë se kompanitë e Koresë së Jugut kishin qenë një objektiv kryesor i hakerëve koreano-veriorë që nga fundi i vitit të kaluar./vizionplus.tv/