Sfilatë në Kryeministri, prezantohet koleksioni “Udhëtim në Perandorinë Osmane”
TIRANË, 31 tetor/ATSH/ Një mbrëmje ndryshe nga të tjerat ishte ajo e djeshmja për Bibliotekën e Kryeministrisë, ku modelet sfiluan duke prezantuar koleksionin e ri të stilistes së mirënjohur Mirela Nurçe.
Koleksioni i titulluar “Udhëtim në Perandorinë Osmane”, erdhi në kuadër të Ditës së Republikës së Turqisë, frymëzuar dhe bazuar në vlerat e trashëgimisë kulturore osmane në periudha kohe të ndryshme. Por gjithashtu stilistja është ngacmuar në krijimtarinë e saj edhe nga sitet arkeologjike, bukuritë e monumenteve kulturore të Turqisë.
“Udhëtim në Perëndorinë Osmane” si një ekspozitë lëvizëse në formën e fashion show. Krijimet e Mirela Nurçes u sollën me elegancë nga modelet e agjencisë së parë të modelingut në Shqipëri, “Grace models”.
Me këtë rast në Qendrën për Hapje e Dialog ishte i pranishëm edhe fotografi me famë ndërkombëtare Fadil Berisha.
Sfilatë në COD. Fotot nga Agim Dobi 1 nga 16/r.e/a.f/