Shakira dhe Pique marrëveshje për kujdestarinë e fëmijëve, këngëtarja i merr me vete në SHBA
Ajo mes Shakirës dhe Gerard Piqué është një nga ndarjet që kanë bërë më shumë zhurmë vitin e fundit.
Një çift në dukje perfekt që u nda papritmas, me vuajtje të mëdha sidomos nga ana e yllit të muzikës.
Shakira dhe ish-futbollisti iu drejtuan gjykatës në Barcelonë për të nënshkruar marrëveshjen për kujdestarinë e fëmijëve, të pritur nga një numër i madh gazetaresh dhe fotografesh .
Shakira dhe Piqué njoftuan javën e kaluar se kishin arritur një marrëveshje për kujdestarinë, pesë muaj pasi njoftuan ndarjen e tyre.
Një marrëveshje pas 12 orë bisedimesh, ndërsa katër përpjekjet e mëparshme kishin dështuar.
Shakira ka marrë kujdestarinë e dy fëmijëve të saj, Milan dhe Sasha, përkatësisht 9 dhe 7 vjeç, të cilët kështu do të shkojnë të jetojnë me të në Miami . Megjithatë, Pique do të mund t’i vizitojë sa herë të dojë dhe shpenzimet e udhëtimit do të ndahen mes dy ish-bashkëshortëve.
Piqué fillimisht u përpoq të kundërshtonte vendimin e Shakirës për të jetuar në anën tjetër të oqeanit, por më pas u dorëzua për të shmangur përfshirjen e fëmijëve të tij në një mosmarrëveshje të vështirë.
Tani Milan dhe Sacha do të kalojnë Krishtlindjet me babain e tyre dhe më pas në fillim të vitit të ri do të ndjekin nënën e tyre në shtëpinë e re në SHBA. /TGCOM
