Shehu, versioni “bomber”/ Mesfushori i Shqipërisë realizon sërish në futbollin polak

Silvinjo e ka me shumë qejf, dhe ai po ia justifikon besimin.

Julian Shehu realizoi edhe golin e katërt të sezonit në Poloni, këtë herë në Kupën e këtij vendi.

Në një ndeshje që u bë tepër e vështirë përballë një ekipi mjaft inferior, skuadra e tij Vidzev, ia doli të kualifikohej për në turin e dytë edhe falë shqiptarit.

Skuadra nga Lodzi luajti në fushën e Bruk Bet Termalicës dhe Shehu fillimisht barazoi rezultatin në 2-2, madje kjo ndodhi në minutën e parë shtesë, duke e shpëtuar ekipin e shquar të Polonisë.

Më pas, ai ishte vendimtar në serinë e 11-metërshave, që përcaktoi kualifikimin.

Mesfushori kuqezi mori përsipër penalltinë e fundit, të pestën, dhe kaloi ekipin më tej duke qenë I saktë.

Ndër 10 gjuajtje u gabua vetëm një, dhe 11-metërshat përfunduan 5-4 për Vidzevin.

Julian Shehu ka 4 gola dhe 3 asistë këtë sezon në kampionat e në kupë./abcnews.al