Sheiku Jasim bin Hamad Al-Tani tërhiqet, Sër Xhim Ratklif gati

Orët e fundit janë decizive për të ardhmen e Junajtid. Sipas medieve britanike sheiku nga Katari, Jasim bin Hamad Al-Tani është tërhequr nga gara për të blerë klubin nga Mançesteri. Edhe pse ende asgjë nuk është zyrtare mësohet se sheiku është bezdisur jo pak nga sjellja e familjes Glejzër. Amerikanët nuk i kanë kthyer përgjigje Jasim bin Hamad Al-Tani pasi ky i fundit u dërgoi një tjetër ofertë (6 bilionë) të përmirësuar në këmbim të kontrollit të plotë të klubit.

Në këtë drejtim duket se miliarderi britanik i INEOS, Sër Xhim Ratklif ka lëvizur më mirë. Mësohet se 70-vjeçari ka gjetur akordin me familjen Glejzër për vetëm 25% të aksioneve të klubit. Tratativa ende nuk ka nisur por besohet se do të finalizohet shumë shpeht pasi edhe pronarët e Junajtid preferojnë që të heqin dorë nga klubi me etapa.

Sipas medieve britanike synimi i Sër Ratklif është që të zotërojë plotësisht aksionet e Junajtid edhe pse për momentin është mjaftuar të futet në shoqëri si aksioner i vogël.