Sherr mes grupit prej 7 shqiptarësh në Greqi, vritet aksidentalisht me armë bashkëatdhetari

Një shqiptar është vrarë aksidentalisht mbrëmjen e së martës (21 shkurt) në një lokal në Nea Joni.  Një grup prej 7 shqiptarësh kanë shkuar në një lokal në rrugën Kastamonis, në Nea Joni dhe kanë nisur konfliktin verbal. Më pas, ata kanë dalë jashtë ambienteve të kafenesë dhe një prej tyre ka nxjerrë armën duke qëlluar e për pasojë shqiptari i cili nuk kishte lidhje me grupin e tyre, u plagos. Ai u dërgua në spital në gjendje të rëndë për jetën, por ndërroi jetë në spitalin CAT, pasi kishte humbur shumë gjak.

Policia ka gjetur në vendngjarje 6 gëzhoja, ndërsa dyshohet se është qëlluar me dy armë. Policia po punon për zbulimin e identitetit të grupit të shqiptarëve që u përfshinë në sherr dhe personave që qëlluan me armë.

Megjithatë, punonjësit e policisë vlerësojnë se kanë të bëjnë me një person të moshës 35 deri në 40 vjeç dhe këtë të mërkurë do të kërkojnë për gjurmët e gishtave dhe çdo provë që mund t’i ndihmojë në identifikim. Në lidhje me grupin e autorëve, policia dyshon se sherri mes tyre ka nisur për shkak të prishjes së një marrëveshje.

Pas ngjarjes, sipas Protothema, grupi prej 7 personash është zhdukur në drejtim të panjohur. Oficerët e policisë gjetën një xhip të tipit amerikan të cilin e quajtën “fletë dhe krahë” pasi mendohet se i përkiste njërit prej anëtarëve të grupit shqiptar.

Rastin e ka marrë në shqyrtim Departamenti i Vrasjeve, dhe policia ka grumbulluar nga vendngjarja shtatë gëzhoja dhe një plumb të deformuar nga një pistoletë 9 gamë, ndërsa është vënë në kërkim të personit që ka qëlluar përmes kamerave të sigurisë së dyqanit.

/rtsh.al/