Sherr mes të miturve në Kukës, plagoset një 15-vjeçar

Një konflikt mes disa adoleshentëve është regjistruar në Kukës, ku si pasojë ka mbetur i plagosur lehtë një 15-vjeçar.

Konflikti ka ndodhur mes pesë të miturve, të moshës 15 dhe 16 vjeç, për motive të dobëta. Ata janë përfshirë në një përplasje me mjete rrethanore kundër njëri-tjetrit. Si pasojë e konfliktit, një 15-vjeçar ka marrë dëmtime të lehta.

Pesë të miturit e dyshuar si të përfshirë në ngjarje janë shoqëruar në Komisariat në prani të familjarëve dhe psikologes.

Grupi hetimor, nën drejtimin e Prokurorisë, po punon për sqarimin e plotë të rrethanave dhe dokumentimin ligjor të ngjarjes.

/rtsh.al/