Sherr mes të rinjve në Korçë/ Plagoset me thikë 17 vjeçari
Një 17 vjeçar ka mbetur i plagosur gjatë një konflikti fizik.
Policia bën me dije, se i riu është paraqitur në spitalin e qytetit për të marrë ndihmën mjekësore, ndërsa grupi hetimor po punon për identifikimin dhe kapjen e autorit.
Burime bëjnë me dije se fillimisht të rinjtë janë zënë fillimisht me njëri-tjetrin me grushte dhe më pas situata ka agravuar deri në përdorimin e thikës.
17 vjeçari është plagosur në pjesën e shpatullës.
“Korçë/Informacion paraprak
Më datë 04.08.2022, rreth orës 21:10, në Spitalin e Korçës, ka shkuar për mjekim një 17-vjeçar, banues në Korçë, që dyshohet të jetë dëmtuar me mjet prerës, në qytetin e Korçës, gjatë një konflikti fizik, i cili aktualisht ndodhet nën kujdesin e mjekëve.
Grupi hetimor po punon për identifikimin dhe kapjen e autorit dhe sqarimin e rrethanave të ngjarjes”, njofton policia.