Shkarkimi i Koeman flet Ancelotti: Kjo është jeta e trajnerit…

Lëvizje në La Liga, në stolin e Barcelonës. Pas disfatës së pësuar të mërkurën, klubi katalanas ka njoftuar shkarkimin e Ronald Koeman nga posti i trajnerit. Një pikë kthese që ishte në ajër dhe që u komentua edhe nga Carlo Ancelotti, trajner i Real Madridit, në fund të ndeshjes së ekipit të tij në Bernabeu ku Blancos barazoi me Osasunën.

Për ndeshjen që përfundoi 0-0: “Tri ndeshje pa fituar në shtëpi? Nga të treja, mendoj se i kemi merituar të fitojmë dy. Duhet të kuptojmë që këto janë ndeshje të vështira. Mund të më quani të çmendur, por më pëlqeu skuadra. Sidomos në pjesën e dytë. Lojtarët e mi dhanë gjithçka dhe ne duhet të vazhdojmë në këtë rrugë”.

“Çfarë mendoj për shkarkimin e Koeman? Jam shkarkuar shumë herë dhe jam ende gjallë, jam ende i lumtur… Kjo është jeta e trajnerit,” tha Ancelotti sipas Marca. “Gjëja e rëndësishme është të kesh një ndërgjegje të pastër se ke dhënë gjithçka. Pastaj, të nesërmen pasi të të dëbojnë, duhet të ngrihesh dhe të vazhdosh, jeta vazhdon”.