Shoqëria-Kultura | 03.04.2010
Pashkët në Rusi janë ngjarja më e madhe dhe e bukur e vitit thuajse edhe më madhështore se krishtlindjet. Të krishterët dhe ateistët, fëmijët dhe të rriturit, banorët e fshatit dhe qytetit të gjithë i tërheq Kisha. Kjo është si një rilindje, një ringjallje, gjithcka është e ndritshme dhe e mirë. Festa e Pashkëve më pëlqen më shumë nga të gjitha. Një festë plot mrekulli." thotë një vajzë e re. Ndërsa një i ri rus i quan pashkët "një festë të shpirtit që tregon se duhet të kesh rezistencë dhe të vuash.
Nata e pashkëve
Në kishën ortodokse ruse nata e Pashkëve celebrohet në mënyrë të vecantë. Që të shtunën në mbrëmje njerëzit mblidhen në kisha. Në mesnatë këmbanat lajmërojnë ringjalljen e Krishtit. Në këtë kohë shfaqet prifti në altar, të gjithë ndezin qirinjtë dhe ecin duke kënduar në një procesion festiv përreth kishës. Pas xhiros rreth kishës mesha vazhdon deri në agim - një sfidë për njerëzit pasi në kishën ortodokse ruse nuk ka stola për t'u ulur.
Bildunterschrift: Großansicht des Bildes mit der Bildunterschrift: Pamje nga festimet e pashkëve në RusiNë përfundim të meshës prifti u bën thirrje të pranishmëve të përqafojnë, puthin dhe të falin njëri-tjetrin. Ndërkohë në meshën e Pashkëve marrin pjesë presidenti rus dhe anëtarët e qeverisë. Kudo dëgjohet përshëndetja e Pashkëve: Christos woskres Krishti u ringjall. Dhe përgjigja: woistinu woskres Ai u ringjall vërtet.
Bildunterschrift: Großansicht des Bildes mit der Bildunterschrift: Edhe politikanët rusë marrin pjesë në festime. Në foto kryeministri Putin
Të hënën e Pashkëve mbaron koha e agjërimit dhe mund të hahet e pihet sërish sipas dëshirës. Në darkat e drekat festive nuk mund të mungojnë ëmbëlsira e Pashkëve me maja kulitsch -, ëmbëlsira me rrush të thatë dhe gjizë Pascha dhe natyrisht vezët shumëngjyrëshe.
Vezët që bëjnë mrekulli
Vezët e bekuara nga Kisha thuhet se kanë fuqi të mrekullueshme. Nëse e rrotullon në fytyrë ajo të jep një pamje rinore dhe nëse e rrokullis në arë sjell bollëk për të korrat e ardhshme kështu thotë gojëdhëna. Si sjellës fati për gjithë vitin ruhen vezë prej druri, porcelani apo metalesh të çmuara. Të njohura në gjithë botën janë vezët e punuara me mjeshtëri të argjendarit rus të oborrit, Peter Carl Faberges. Carët ruse ia dhuronin ato që në fund të shekullit të 19-të grave dhe nënave çdo vit për Pashkë derisa revolucioni u mori pushtetin dhe mjetet financiare.
Autor: Karla Engelhard
Redaktoi: Lindita Arapi