Shqipëria në Bordin e Paqes, gazetari vlerëson fjalën e Ramës: Tregoi pjekuri diplomatike, ja tre momentet kyç

Gazetari Denis Minga vlerësoi paraqitjen e Ramës në Bordin e Paqes në Ëashington, duke theksuar se ai ishte një nga të paktët që mbajtën fjalim në aktivitet.

Minga, i ftuar në studion e QUO VADIS në Vizion Plus, veçoi tre momente kryesore nga deklarata e Ramës, vlerësimin e marrëdhënieve mes Shqipërisë dhe Shteteve të Bashkuara të Amerikës, njohjen e kontributit të opozitës duke theksuar se kishte konsensus politik, si dhe trajtimin e çështjes së ish-krerëve të UÇK-së në Hagë.

Gazetari u shpreh se një deklaratë nga presidenti amerikan Donald Trump do të kishte ndikim të madh, sidomos në drejtim të një dënimi sa më minimal për ish-drejtuesit e UÇK-së.

Pjesë nga biseda:

Minga: Rama ishte një nga personat që foli, se jo të gjithë mbajtën fjalën aty. Do e veçoja fjalën e Ramës si shumë të mirë. Kuptohet që nga ana e diplomacisë është pjekur. Tre momente pashë unë.

Salianji: Nuk drejton botën Rama.

Minga: Jo, jo, por po analizojmë fjalën e Ramës. Vlerësoi marrëdhënien SHBA-Shqipëri. Njohu kontributin e opozitës, se s’është e lehtë kjo. Se opozita shkon në Bruksel dhe e shan qeverinë. Ai tha se edhe opozita ishte dakord. Kishim konsensus në këtë gjë. E treta ishte çështja e ish-krerëve të UÇK-së. Një fjalë e Trump do të ndikonte shumë për një dënim sa më minimal. Ajo gjykatë ka një problem shumë të madh, se ka investime dhe nëse dalin të gjithë të pafajshëm… Një fjalë e Trump do kishte vlerë.

/vizionplus.tv