Shqiptari Jusufi kerkohet nga Kroacia U-21
Shqiptari me shtetesi kroate i lindur ne Tetove, Pllumb Jusufi, ka marre ftese nga kombetarja shpresa e Kroacise ne ndeshjen miqesore te radhes.
Sulmuesi i Dinamos se Tiranes ku trajner eshte edhe kroati Dalic, ka zhvilluar ndeshje pozitive ne kete fillim kampionati, cka ka bere qe drejtuesit e federates kroate te vihen ne levizje per ta marre sa me shpejt ne kombetaren e te rinjve.
“Kam marre ftesen e perzgjedhesve Drazhen Ladic dhe Zdravko Dalic te cileve mendoj t’u pergjigjem pozitivisht”, eshte shprehur i riu shqiptar, duke u bere “dezertori” i radhes, por kete here jo ne drejtim te Greqise.
Ne nje interviste dhene per gazeten maqedonase “Lajm”, tetovari shprehet i kenaqur nga kampionati shqiptar dhe ambienti ne vendin tone. “Edhe me skuadren e Dinamos punet jane duke shkuar mire. Pas 8 ndeshjeve te zhvilluara jemi ne vendin e trete me 13 pike, 5 me pak se Tirana, e vendit te pare”, thekson sulmuesi i ri.