Shtatë finalet e Argjentinës/ Amerikanojugorët pranë rekordit në kampionatet botërore

Është shumë pranë majës. Argjentina do të hyjë në një shoqëri tepër të zgjedhur në kampionatet botërore nëse ia del të fitojë titullin në finalen e 19 korrikut ndaj Spanjës.

Suksesi do të bënte që të fitohej titulli i katërt botëror, diçka e paimagjinueshme deri përpara 4 viteve kur Lionel Mesi me shokë u shpallën kampionë në Katar. Gjithsesi, e vërteta është pikërisht kjo dhe “albiselestët” synojnë të jenë baraz me dy gjigandët e Europës, Italinë dhe Gjermaninë, që gjithashtu kanë nga 4 trofe.

Të Kaltrit ia kanë dalë në 2006, dhe “pancerët” në 2014. Jo vetëm kaq, por me 7 finale në histori, Argjentina është tashmë një nga kombëtaret më “aristokrate” të kupave të botës.

Brazili tashmë është barazuar, ndonëse “selesao” ka bilanc më të mirë sesa fqinjët e saj amerikanojugorë, me 5 tituj dhe vetëm dy finale të humbura.

Rekordi I Gjermanisë është ende I paarritshëm sepse, “teutonët” kanë dalë plot 8 herë në finale, dhe I kanë në ekuilibër sukseset dhe dështimet./abcnews.al