Shtatori rrit interesin për muzetë – “Vendi i Dëshmisë dhe i Kujtesës” pret 3 mijë vizitorë

Edhe në përfundim të sezonit veror vazhdon interesi nga ana e turistëve  për të vizituar muzetë e Shkodrës. Një prej tyre është Muzeu i Dëshmisë dhe Kujtesës, i cili këtë vit ka pritur mbi 3000 vizitorë , kryesisht të huaj.

Muzeu i Dëshmisë dhe Kujtesës ofron një hapësirë që dokumenton historinë e vuajtjeve të të burgosurve politikë.

Muzeu i Dëshmisë dhe Kujtesës ekspozon objekte, fotografi, dëshmi dhe dokumente të lidhura me periudhën komuniste në Shqipëri, duke përfshirë jetën e të përndjekurve politikë. Çdo vit e më tepër ky muze po tërheq vëmendjen e vizitoreve nga e gjithë bota si një nga vendet identitare të historisë së Shkodrës komuniste.

Gazetar: M. Rakaj

/RTSH/