Shtyhet për nesër seanca për zgjedhjen e presidentit të Kosovës

Kuvendi i Kosova ka shtyrë për nesër, më 28 prill në orën 10:00, seancën për zgjedhjen e presidentit/es së vendit, pasi procesi i nisur mbrëmjen e sotme nuk u përmbyll.

Në seancën e jashtëzakonshme që nisi në orën 20:30 morën pjesë vetëm deputetët e Lëvizja Vetëvendosje në pushtet, me përjashtim të deputetit Haxhi Avdyli. Në votim u hodhën dy kandidaturat e propozuara nga LVV, Feride Rushiti dhe Hatixhe Hoxha.

Në raundin e parë, Rushiti siguroi 63 vota, ndërsa Hoxha nuk mori asnjë votë. Një votë rezultoi e pavlefshme.

Partitë opozitare bojkotuan seancën, megjithëse kryetarja e Kuvendit, Albulena Haxhiu, u bëri thirrje të përsëritura deputetëve të grupeve parlamentare që të merrnin pjesë.

Më herët gjatë ditës ishte mbajtur edhe një tjetër seancë, ku u tërhoqën kandidaturat e Glauk Konjufca dhe Fatmire Mulhaxha-Kollçaku për postin e presidentit.

Kryeministri Albin Kurti akuzoi opozitën për bllokim të procesit dhe mosrespektim të verdiktit qytetar. Kurti theksoi gjatë fjalës së tij ofertat në dispozicion të opozitës për të mbyllur ptocesin e zgjedhjes së Presidentit. Ai në fund tha se ende po presim 3 kandidatura prej opozitës të cilat fo të mbështeten për futjen në garë nga VV ndërsa njëra prej tyre do të mbështetet edhe në votim.

Afati kushtetues për zgjedhjen e presidentit përfundon më 28 prill. Nëse Kuvendi nuk arrin të zgjedhë presidentin brenda këtij afati, vendi shkon në zgjedhje të reja parlamentare, të cilat duhet të mbahen brenda 45 ditësh.m.k