Siguria në Kosovë dhe rajon, Osmani takon ministren e Jashtme të Kanadasë
PRISHTINË, 23 nëntor/ATSH/ Presidentja e Kosovës, Vjosa Osmani, u takua me ministren e Punëve të Jashtme të Kanadasë, Melanie Joly. Takimi u zhvillua gjatë Forumit Ndërkombëtar të Sigurisë në Halifax.
Në takim është diskutuar për situatën e sigurisë në Kosovë e rajon, mbështetjen kanadeze për forcimin e pozitës ndërkombëtare të vendit tonë.
Osmani dhe Joly, diskutuan edhe për thellimin e partneritetit strategjik në një sërë fushash të interesit të përbashkët. /Kosovapress/