Siti fiton me “poker” derbin ndaj Junajtid

City thyen United dhe ngjyros Mançesterin me ngjyrat e tij. Të besuarit e Guardiolës fituan derbin 4-1 dhe i përgjigjen suksesit të djeshëm të Liverpool, duke u rikthyer në +6 (por me një ndeshje më shumë) ndaj rivalit të vetëm të besueshëm në Premier Ligë. Pothuajse pa një ndeshje unike në lojë dhe në konstruksion: De Bruyne i mjaftojnë 5 minuta për të bërë ndryshimin në tabelë, duke u futur në krosimin e ulët të Bernardo Silvës.

United ndizet papritmas dhe gjen barazimin në minutën e 22-të me Sancho, i zoti në gjetjen e hapësirës për të firmosur 1-1. Megjithatë, situatë që nuk zgjati shumë. Foden shpik një lojë fantastike dhe thërret De Gean të ndërhyjë, por në aksion është edhe De Bruyne, i cili nënshkruan dopietën personale.

United, pa të dëmtuarin Cristiano Ronaldo, luftoi për të shpikur dhe krijuar rreziqe, ndërsa Cityzens luajtën më të mirën e tyre: në minutën e 68-të Mahrez u çlirua bukur dhe goditi me të majtën duke dërguar topin në rrjetë(me ndihmën e një devijimi të lehtë nga Maguire), 3-1.

Banda e Rangnick fundoset përfundimisht nga dopieta e Mahrez në fund të sfidës, që vlen 4-1 përfundimtar. Ndëshkim jo shumë i padrejtë për paraqitjen e United, gjithnjë e më larg Champions League.