Skema e mashtrimit! Tentoi t’i vidhte pasurinë familjes së Elvis Presley, 53-vjeçarja pranon fajësinë
Një grua nga Misuri është deklaruar fajtore për një skemë për të mashtruar familjen e Elvis Presley-t dhe për të vjedhur pronësinë e tyre mbi Graceland , ka thënë Departamenti i Drejtësisë së SHBA.
Findley pretendoi se Lisa Marie Presley, vajza e ndjerë dhe fëmija i vetëm i Elvisit, mori hua 3.8 milionë dollarë nga firma e saj e njohur si Naussany Investments dhe Private Lending LLC, për të cilën autoritetet thonë se ishte një kompani e rreme.
Të dhënat thonë se Findley gjithashtu pretendoi se Presley kishte lënë peng pronën e Graceland si kolateral pa shlyer borxhin, duke rezultuar në një sekuestrim.
Findley gjithashtu akuzohet për falsifikimin e nënshkrimeve për Lisa Marie Presley dhe një notere publike në Florida. Dokumentet false të huasë datojnë në vitin 2018, pesë vjet para vdekjes së Lisa Marie Presley në 2023, pretendojnë autoritetet.
Kur e pyetën nëse e kuptonte se për çfarë po deklarohej fajtore, Findley tha, “po”. Ajo nuk bëri një deklaratë për të shpjeguar sjelljen e saj.
Prokurorët po rekomandojnë që Findley të marrë një dënim me burg prej 57 muajsh. Ajo do të kthehet në gjykatë për dënimin më 19 qershor.
Riley Keough është mbesa e madhe e Elvisi Presley dhe ka qenë pronari dhe i besuari i vetëm i Graceland që nga vdekja e nënës së saj. Riely paditi Naussany Investments – kompaninë Findley që përdori në përpjekjen e saj për të nxjerrë në ankand Graceland – duke thënë se nëna e saj nuk e kishte marrë kurrë kredinë dhe se Naussany ishte e përfshirë në mashtrim.
/vizionplus.tv