Soreka takon Uisner: Partneritet i fortë BE-SHBA, në mbështetje të rrugës së Shqipërisë drejt integrimit

I Ngarkuari me Punë i Bashkimit Evropian në Tiranë, ambasadori Luixhi Soreka (Luigi Soreca), zhvilloi një takim me të Ngarkuarin me Punë në Ambasadën e SHBA-së në Tiranë, David Wisner.

Përmes një postimi në Facebook, ambasada e SHBA në vendin tonë bën me dije se në takim u diskutua për partneritetin e fortë BE-SHBA, në mbështetje të rrugës së Shqipërisë drejt integrimit në Bashkimin Evropian.

Po ashtu, ata folën për rëndësinë e vazhdimësisë së përparimit të reformës në drejtësi dhe zbatimin e ligjeve, ashtu si edhe çështjet që kanë të bëjnë me rrugëtimin e Shqipërisë drejt anëtarësimit në BE.

/rtsh.al/