Spartak Ngjela: Nëse Veliaj ka prova për akuzat ndaj prokurorit, Olsi Dado duhet të përjashtohet nga procesi gjyqësor

Avokati Spartak Ngjela tha se prokurori Olsi Dado duhet të përjashtohet nga procesi gjyqësor ndaj kryebashkiakut Erion Veliaj nëse ky i fundit ka prova për akuzat.

Kalojmë te dosja Veliaj, ai ka akuzuar prokurorin se I ka kërkuar leje ndërtimi për kulla, a duhet të largohet prokurori nga procesi?

Ngjela: Duhet ta provojë, s’kam gjë me kryetarin e bashkisë, duhet ta provojë, çdo njeri mund të thotë. Unë nuk e di kush është ai prokuror, por çdo njeri do ta thoshte. Nëse ka prova, pra nëse janë të vërteta ato që thotë do të kërkonte largimin e prokurorit nga procesi gjyqësor. E ka kërkuar më duket. Procedura është: Nëse ti më shkelur ligjin 1 herë dhe kemi pasur probleme me njëri tjetrin dhe tani je përsëri prokurori im, smund të jesh më prokurori im, e rrëzon gjykata. E ka kërkuar ky? Nëse e ka kërkuar do ta heqin.