Starmer: Lufta në Ukrainë duhet të marrë fund, por me një paqe të drejtë

“Të gjithë duan që lufta në Ukrainë të përfundojë, por nevojitet një paqe e drejtë dhe e qëndrueshme”. Kështu u shpreh kryeministri britanik Keir Starmer në një video të regjistruar gjatë fluturimit për në Uashington, ku do të mbahet sot samiti vendimtar në Shtëpinë e Bardhë. “Është në interes të Mbretërisë së Bashkuar që t’i bëjmë gjërat siç duhet”, shtoi kreu laburist, duke kujtuar vuajtjet e pësuara nga ukrainasit në këtë konflikt të gjatë dhe pasojat e tij në pjesën tjetër të Europës.