Studentët e Vlorës në protestë, marshojnë drejt Universitetit “Ismail Qemali” dhe kërkojnë bojkotimin e mësimit

Studentët e Vlorës i janë bashkuar protestës studentore, duke kërkuar bojkotimin e procesit mësimor dhe mobilizimin e studentëve të tjerë.

Ndonëse protesta ishte parashikuar të niste në orën 12:00, një grup studentësh kanë marshuar më herët nga Xhamia e Plumbit drejt Universitetit “Ismail Qemali”, në ambientet e Fakultetit të Shkencave Humane.

Gjatë marshimit, studentët janë futur në klasa, ku u kanë bërë thirrje bashkëstudentëve të ndërpresin mësimin dhe t’i bashkohen protestës.

Protesta në Vlorë zhvillohet në mbështetje të lëvizjes studentore, ndërsa studentët kërkojnë pjesëmarrje më të gjerë dhe bojkotimin e mësimit.

Mbetet për t’u parë nëse nismës do t’i bashkohen edhe studentë të fakulteteve të tjera të Universitetit “Ismail Qemali”.

/vizionplus.tv