Sulmi me armë në Çikago/ Të paktën 5 të vdekur dhe 16 të plagosur

Të paktën 5 persona kanë humbur jetën dhe 16 të tjerë janë plagosur në një sulm me armë zjarri gjatë paradës së 4 korrikut në Illinois të SHBA.

Policia është ende në kërkim të të dyshuarit dhe u ka bërë thirrje qytetarëve që të strehohen në një vend të sigurt, raportojnë mediat e huaja.

Të shtënat në Parkun Highland, rreth 25 milje në veri të Çikagos, nisën 10 minuta pas nisje së paradës, rreth orës 10:00 të mëngjesit me orën lokale teksa turma njerëzish u larguan të tmerruar.

Eventet në kuadër të paradës së Ditës së Pavarësisë në këtë zonë u anuluan.

Policia po punon për identifikimin dhe kapjen e autorit.