TEL AVIV – Ushtria izraelite: Armëpushimi në Gaza hyri në fuqi sot në mesditë
TEL AVIV/GAZA, 10 tetor /ATSH-DPA/- Armëpushimi në Gaza midis Izraelit dhe grupit islamist palestinez “Hamas” hyri në fuqi sot në mesditë (09:00), tha sot një zëdhënës i forcave ushtarake izraelite (IDF).
Pas një progresi në bisedimet e paqes, Izraeli dhe Hamasi ranë dakord për fazën e parë të një plani paqeje të paraqitur nga presidenti i SHBA-së, Donald Trump.
Marrëveshja përfshin lirimin e të gjithë pengjeve dhe tërheqjen e ushtarëve izraelitë në vijën e frontit – të rënë dakord reciprokisht në Gaza.
Izraeli do të lirojë rreth 250 palestinezë që vuajnë dënime me burgim të përjetshëm dhe afërsisht 1 700 të tjerë të arrestuar – pas sulmeve të udhëhequra nga Hamasi dy vjet më parë, të cilat shkaktuan luftën. //a.i/