Tahiri: Logoja në fletët e votimit s`është biseduar në Bruksel

Marrëveshja për çështjen e telekomit mes palës kosovare dhe asaj serbe, parashikon shpërbërjen e gjithë operatorëve ilegal të Serbisë, si dhe mosndërhyrjen e Serbisë në frekuencat e Kosovës.

Ndonëse me këtë marrëveshje, ende nuk është pajtuar pala serbe, kryenegociatorja kosovare, EditaTahiri, ka shfaqur shpresën që një gjë e tillë do të ndodhë shumë shpejt, pasi sipas saj Serbia duhet t`i përmbahet disa afateve.

Në një intervistë për Kosovapress, Tahiri ka deklaruar se çështja e logove në fletët e votimit në zgjedhjet lokale, nuk është diskutuar fare në takimet në Bruksel dhe duke hedhur çdo mundësi që ato në veri të mos përmbajnë logo të shtetit të Kosovës.