Tajvani falënderon SHBA për mbështetjen pas takimit Trump-Xi Jinping

Qeveria e Tajvanit ka reaguar pas takimit mes presidentit amerikan Donald Trump dhe homologut kinez Xi Jinping në Pekin, duke shprehur mirënjohje për mbështetjen e vazhdueshme të Shteteve të Bashkuara ndaj ishullit.

Zëdhënësja e qeverisë tajvaneze, Michelle Lee, deklaroi se Taipei vlerëson “pohimin e përsëritur të mbështetjes amerikane për Tajvanin”, ndërsa çështja e ishullit mbetet një nga temat më të ndjeshme në marrëdhëniet mes Uashingtonit dhe Pekinit.

Reagimi vjen pasi presidenti kinez Xi Jinping paralajmëroi se mënyra se si trajtohet çështja e Tajvanit mund të ndikojë drejtpërdrejt në stabilitetin e marrëdhënieve kino-amerikane.

Tajvani po ndjek nga afër zhvillimet e samitit Trump-Xi në Pekin, ndërsa tensionet në rajon vazhdojnë të mbeten të larta. Mediat e huaja raportojnë se autoritetet tajvaneze e konsiderojnë mbështetjen amerikane si kyçe për sigurinë dhe stabilitetin e ishullit.