TemA TV/ Ilir Bejtja, poezi Jozefinës: Oh sa na kënaq, të lutem na lër të të puthim në faqe (VIDEO)

Seanca e sotme, përveç tensioneve, ka sjellë edhe moment humori. Një të tillë e ka shkaktuar deputeti socialist, Ilir Bejtja, që në fund të fjalës së tij ka recituar një poezi për kryetaren e Kuvendit, Jozefina Topalli.

Bejtja fillimisht ka sulmuar ashpër ish-deputetin socialist, Kastriot Islami, që sipas tij ka sharrë dhe fyer deputetët socialist.

Kur shan kolegët socialistë, duhet ta mbushë gojën me m… dhe ti bëjë mirë tradhtarit dhe renegatit, ka thënë Bejtja gjatë fjalës së tij, gjë që ka sjellë reagimin e Topallit, e cila i ka thënë të bëjë kujdes me mënyrën si flet.

Poezia për Jozefinën:

Zonja Jozefina, Zonja Jozefinë

Me kët që bën, KQZ-në që vjedh

Oh sa na kënaq

Për gjithë këtë turp, që mbi shpinë na hedh

Të lutem na lër të të puthim në faqe

Pas poezisë, Topalli është shprehur se, ti meriton tamam një patentë të budallallëkut me këtë që bën more djalë. Po i pafejum tërë jetën ke me mbet. Kush ti jep faqet ty./b.l