Tensionet në Kuvend, opozita përfundon në SPAK

Komisariati nr. 1, në bashkëpunim me agjentët e BKH referuan materialet në Prokurorinë e Posaçme në lidhje me incidentet e dhunshme gjatë seancës plenare të një dite më parë.

Ndryshe nga herët e tjera, referimi nuk është bërë me emra konkret, por materiali është referuar për grupin parlamentar të opozitës.

Mësohet se ata akuzohen për shkatërrim prone dhe përdorim i lëndëve piroteknike.

Më herët, gjatë incidentëve të mëparshme, i njëjti grup hetimor përcolli materialet në SPAK për deputetët Albana Vokshi dhe Flamur Noka./vizionplus.tv