Tërmeti në Kolumbi, 254 viktima dhe mbi 3 mijë të zhdukur

Bilanci i viktimave nga tërmeti i fuqishëm që goditi Kolumbinë perëndimore është rritur në 254, ndërsa të paktën 3 mijë persona rezultojnë ende të zhdukur,.

Raportet nga qytetet e prekura bëjnë me dije se 101 persona kanë humbur jetën në Pereira, ndërsa 95 viktima janë regjistruar në Cali, qyteti i tretë më i madh i Kolumbisë.

Situata mbetet veçanërisht e rëndë në komunitetet indigjene të rajonit Choco, pranë epiqendrës së tërmetit. Shumë prej tyre kanë mbetur pa energji elektrike dhe pa shërbime bazë, duke e bërë edhe më të vështirë përpjekjen e ekipeve të shpëtimit për të arritur në zonat e prekura.

Tërmeti me magnitudë 7.4 goditi vendin dy ditë më parë. Sipas Shërbimit Gjeologjik të Kolumbisë, epiqendra ishte pranë Choco-s, rreth 12 kilometra nga qyteti San Jose del Palmar, në një thellësi prej 103 kilometrash.

Punonjësit e shpëtimit po garojnë me kohën për të gjetur të mbijetuarit, ndërsa Kolumbia përballet me tërmetin më vdekjeprurës në vend gjatë këtij shekulli.