“Territor i pastër”, asgjësohen 1848 bimë kanabisi në Shkodër

TIRANË, 7 shtator/ATSH/ Në vijim të megaoperacionit policor antikanabis “Territor i pastër”, në Shkodër u asgjësuan 1848 bimë kanabisi.

Në kuadër të këtij megaoperacioni, që ka si objektiva parandalimin, konstatimin dhe goditjen e veprimtarisë kriminale të kultivimit të bimëve narkotike, shërbimet e Drejtorisë Vendore të Policisë Shkodër dhe të komisariateve në varësi të saj, kanë vijuar intensivisht kontrollet në të gjithë territorin e qarkut.

Gjatë kësaj faze të megaoperacionit shërbimet e Komisariatit të Policisë Shkodër gjetën dhe asgjësuan në territorin e njësive administrative Pult, Shalë dhe Postribë 1405 bimë kanabisi.

Po ashtu, shërbimet e Komisariatit të Policisë Vau i Dejës gjetën në territorin e njësisë administrative Shllak dhe asgjësuan 443 bimë kanabisi.

Policia po vijon punën për identifikimin, kapjen dhe nxjerrjen përpara përgjegjësisë penale, të autorëve të kultivimit të këtyre bimëve narkotike.

1 nga 5

/m.m/r.e/