Terry Messi me i miri ne historine e futbollit
John Terry, kapiteni i Chelsea, deklaroi se Messi është futbollisti më i mirë në historinë e futbollit, por është i gatshëm për tu përballur dhe për të fituar sfidën me të.
“Përballja me Messin është një mundësi për t’i treguar nipërve që kam luajtur kundër tij. Fëmijët e mi e adhurojnë Messin, por i kam thënë që të bëhen gati sepse unë do bëj të pamundurën për ta markuar. Është më i miri në histori dhe nëse arrij ta ndaloj do të ishte një nga arritjet më të mëdha të karrierës sime”, u shpreh qendërmbrojtësi anglez në një intervistë për gazetën spanjolle ‘AS’.
Terry shton se Messi “është magjik dhe vetëm me një lojë kolektive të mirë mund të ndalet”.
“Kemi treguar në të kaluarën se dimë të ndalim Barcelonën, por nëse nuk i bëjmë gjërat siç duhet do të “dërrmohemi”. Janë ekipi më i mirë i botës në 4-5 vitet e fundit dhe jemi gati për sfidën. Kemi fituar ndeshjet e fundit dhe kemi shumë besim tek suksesi”, thekson Terry.
Chelsea-Barcelona, e vlefshme për gjysmëfinalet e Ligës së Kampioneve, do të luhet të mërkurën në orën 20.45.
“Përballja me Messin është një mundësi për t’i treguar nipërve që kam luajtur kundër tij. Fëmijët e mi e adhurojnë Messin, por i kam thënë që të bëhen gati sepse unë do bëj të pamundurën për ta markuar. Është më i miri në histori dhe nëse arrij ta ndaloj do të ishte një nga arritjet më të mëdha të karrierës sime”, u shpreh qendërmbrojtësi anglez në një intervistë për gazetën spanjolle ‘AS’.
Terry shton se Messi “është magjik dhe vetëm me një lojë kolektive të mirë mund të ndalet”.
“Kemi treguar në të kaluarën se dimë të ndalim Barcelonën, por nëse nuk i bëjmë gjërat siç duhet do të “dërrmohemi”. Janë ekipi më i mirë i botës në 4-5 vitet e fundit dhe jemi gati për sfidën. Kemi fituar ndeshjet e fundit dhe kemi shumë besim tek suksesi”, thekson Terry.
Chelsea-Barcelona, e vlefshme për gjysmëfinalet e Ligës së Kampioneve, do të luhet të mërkurën në orën 20.45.