Thaçi: Beogradi ka dilema për telekomin dhe energjinë

Kryeministri i Kosovës, Hashim Thaçi ka thënë se duhet të punohet edhe më shumë në implementimin e marrëveshjes për IBM-në dhe se gjithçka që është e lejueshme me Kushtetutën e Kosovës duhet të jetë e pranueshme.

Ai e ka pranuar se ka ngecje edhe sa i përket telekomunikacionit dhe energjisë duke thënë se Beogradi ka ende dilema për ta pranuar marrëveshjen dhe se sipas tij nuk është hera e parë që Beogradi pretendon të zvarrit procesin për impelemtim.

Thaçi këto komente i bëri sot në Ferizaj gjatë inspektimeve të punimet në tre projekte të kësaj komune.

Me këtë rast kryetari i Ferizajt Agim Aliu ka thënë se me këto projekte është hapur një kapitull i re i investimeve në Ferizaj.