Tiranë, aksidentohenme makinë tre policë

TIRANë- Tre punonjës të drejtorisë së policisë së Tiranës kanë pësuar dëmtime pa rrezik për jetën në një aksident rrugor këtë pasdite, teksa po udhëtonin në drejtim të fshatit Pezë e Madhe, pas informacioneve për një plagosje me armë zjarri.

Por gjatë kohës që shkonin drejt vendit të ngjarjes, makina me të cilën udhëtonin ka dalë nga rruga duke përfundur në kanal, për pasojë mbetën të plagosur tre efektivët.

Burimet zyrtare nuk dhanë detaje për rrethanat e aksidentit, por bënë të ditur se një grup hetimor po punon për zbardhjen e rrethanave të kësaj ngjarjeje.
(m.a/BalkanWeb)